hum maani-e-hawas nahin ai dil hawa-e-dost

ham ma.ani-e-havas nahīñ ai dil havā-e-dost

raazī ho bas isī meñ ho jis meñ razā-e-dost

tuġhrā-e-imtiyāz hai ḳhud ibtilā-e-dost

us ke baḌe nasīb jise āzmā.e dost

yaañ jumbish-e-mizha bhī gunāh-e-azīm hai

chup-chāp dekhte raho jo kuchh dikhā.e dost

miltī nahīñ kisī ko sanad imtihāñ baġhair

dār-o-rasan ke hukm ko samjho silā-e-dost

yāqūb par fuzūl hue log ḳhanda-zan

yaañ lā-makāñ se aatī hai bū-e-qabā-e-dost

kyā kam thā hijr-e-yār hī phir us pe rashk-e-ġhair

dushman ko bhī ḳhudā na kare mubtalā-e-dost

hai ruuh bhī nisār badan bhī nisār-e-yār

dil bhī fidā-e-dost jigar bhī fidā-e-dost

'jauhar' vo sabr aap hī degā agar hameñ

hai imtiyāz-e-vāda sabr-āzmā-e-dost

hum mani-e-hawas nahin ai dil hawa-e-dost

raazi ho bas isi mein ho jis mein raza-e-dost

tughra-e-imtiyaz hai KHud ibtila-e-dost

us ke baDe nasib jise aazmae dost

yan jumbish-e-mizha bhi gunah-e-azim hai

chup-chap dekhte raho jo kuchh dikhae dost

milti nahin kisi ko sanad imtihan baghair

dar-o-rasan ke hukm ko samjho sila-e-dost

yaqub par fuzul hue log KHanda-zan

yan la-makan se aati hai bu-e-qaba-e-dost

kya kam tha hijr-e-yar hi phir us pe rashk-e-ghair

dushman ko bhi KHuda na kare mubtala-e-dost

hai ruh bhi nisar badan bhi nisar-e-yar

dil bhi fida-e-dost jigar bhi fida-e-dost

'jauhar' wo sabr aap hi dega agar hamein

hai imtiyaz-e-wada sabr-azma-e-dost