hum mai-kashon ke qadmon par aksar

ham mai-kashoñ ke qadmoñ par aksar

jhuk jhuk ga.e haiñ mehrāb-o-mimbar

sharmā.egā ab tā-hashr tūfāñ

TuuTī huī ik kashtī Dubo kar

ab sham-e-hasrat lau de uThī hai

ai sarsar-e-ġham dāman bachā kar

āshuftagī ko niiñd aa chalī hai

barham na ho vo zulf-e-mo.ambar

kyā ab bhī koī fardā hai baaqī

kis soch meñ ho ai ahl-e-mahshar

kyā tanz-e-daurāñ kyā hūr-e-ḳhūbāñ

dil hī sitam-kash dil hī sitamgar

chup haiñ 'ravish' ab arbāb-e-dānish

the tanz kyā kyā ahl-e-junūñ par

hum mai-kashon ke qadmon par aksar

jhuk jhuk gae hain mehrab-o-mimbar

sharmaega ab ta-hashr tufan

TuTi hui ek kashti Dubo kar

ab sham-e-hasrat lau de uThi hai

ai sarsar-e-gham daman bacha kar

aashuftagi ko nind aa chali hai

barham na ho wo zulf-e-moambar

kya ab bhi koi farda hai baqi

kis soch mein ho ai ahl-e-mahshar

kya tanz-e-dauran kya hur-e-KHuban

dil hi sitam-kash dil hi sitamgar

chup hain 'rawish' ab arbab-e-danish

the tanz kya kya ahl-e-junun par