hum na hote bhi to itna hote

ham na hote bhī to itnā hote

kahīñ dariyā kahīñ sahrā hote

jaane kyā ḳhud ko samajh rakkhā hai

ye jo hasrat hai ki rusvā hote

ham simaT jaate jo bāñhoñ meñ tirī

terī añgḌā.ī kā dariyā hote

tum se ulfat jo na hotī ham ko

jaane kis kis kī tamannā hote

siikh lī ham ne bhī duniyā-dārī

kaash ham sāhab-e-duniyā hote

dekh lete jo kahīñ ā.īna

ham bhī hairat kā sarāpā hote

hum na hote bhi to itna hote

kahin dariya kahin sahra hote

jaane kya KHud ko samajh rakkha hai

ye jo hasrat hai ki ruswa hote

hum simaT jate jo banhon mein teri

teri angDai ka dariya hote

tum se ulfat jo na hoti hum ko

jaane kis kis ki tamanna hote

sikh li hum ne bhi duniya-dari

kash hum sahab-e-duniya hote

dekh lete jo kahin aaina

hum bhi hairat ka sarapa hote