hum na is Toli mein the yaro na us Toli mein the

ham na is Tolī meñ the yaaro na us Tolī meñ the

ne kisī kī jeb meñ the na kisī jholī meñ the

banda-parvar sirf nazzāre pe qadġhan kis liye

phuul phal jo baaġh ke the aap kī jholī meñ the

aap ke nāroñ meñ lalkāroñ meñ kaise ā.eñge

zamzame jo an-kahī ik pyaar kī bolī meñ the

phir kisī kuufe meñ tanhā hai koī ibn-e-aqīl

us ke sāthī sab ke sab sarkār kī Tolī meñ the

ab dhanak ke rañg bhī un ko bhale lagte nahīñ

mast saare shahr vaale ḳhuun kī holī meñ the

hum na is Toli mein the yaro na us Toli mein the

ne kisi ki jeb mein the na kisi jholi mein the

banda-parwar sirf nazzare pe qadghan kis liye

phul phal jo bagh ke the aap ki jholi mein the

aap ke naron mein lalkaron mein kaise aaenge

zamzame jo an-kahi ek pyar ki boli mein the

phir kisi kufe mein tanha hai koi ibn-e-aqil

us ke sathi sab ke sab sarkar ki Toli mein the

ab dhanak ke rang bhi un ko bhale lagte nahin

mast sare shahr wale KHun ki holi mein the