hum nahin ahd-e-mulaqat se Talne wale

ham nahīñ ahd-e-mulāqāt se Talne vaale

aaj haiñ gesū-e-ḳhamdār sañvarne vaale

ab tirī diid kī ḳhātir ye mujhe lagtā hai

tere ushshāq haiñ aapas meñ ulajhne vaale

ik sitam ye ki adab se bhī lagan rakhte haiñ

merī ġhazloñ kī pazīrā.ī pe jalne vaale

maiñ ne chāhā thā karūñ baat koī maiñ lekin

mere ahbāb nahīñ baat nigalne vaale

reñg kar ā.eñge ye mere garebān talak

āstīnoñ meñ nahīñ naag ye palne vaale

jo tirā saath nibhāne kī qasam khāte haiñ

vo tire yaar haiñ va.adoñ se mukarne vaale

hum nahin ahd-e-mulaqat se Talne wale

aaj hain gesu-e-KHamdar sanwarne wale

ab teri did ki KHatir ye mujhe lagta hai

tere ushshaq hain aapas mein ulajhne wale

ek sitam ye ki adab se bhi lagan rakhte hain

meri ghazlon ki pazirai pe jalne wale

main ne chaha tha karun baat koi main lekin

mere ahbab nahin baat nigalne wale

reng kar aaenge ye mere gareban talak

aastinon mein nahin nag ye palne wale

jo tera sath nibhane ki qasam khate hain

wo tere yar hain wadon se mukarne wale