ham-nashinon mein hamara ham-nawa koi nahin

ham-nashīnoñ meñ hamārā ham-navā koī nahīñ

āshnā to haiñ bahut dard-āshnā koī nahīñ

ai masīhā maut se kar zindagānī kā ilaaj

ho rahe vo ġhair ke ab aasrā koī nahīñ

but-kade se chhūT kar aisā hue be-ḳhānumāñ

jaise zer-e-āsmāñ merā ḳhudā koī nahīñ

ḳhud-numā.ī meñ bhī vo mahbūb hai mastūr hai

dekhte haiñ sab magar pahchāntā koī nahīñ

burrish-e-teġh-e-adā-e-dost kā ehsās hai

ab rahīn-e-minnat-e-tīr-e-qazā koī nahīñ

hai tirī mashq-e-sitam kā rañg agar yūñhī to phir

dekhā lenā ek din tere sivā koī nahīñ

pūchhte haiñ mudda.ā mujh se adū ke sāmne

mudda.ā ye hai ki kah duuñ mudda.ā koī nahīñ

bā-vafā itnī jafā par kaun hai mere sivā

tujh se baḌh kar bad-gumāñ ai bevafā koī nahīñ

baḌh gayā hai aaj kal jaur-e-butāñ kuchh is qadar

dast-gīr-e-bandagāñ goyaa... ḳhudā koī nahīñ

le ke bār-e-zindagī kab tak koī phirtā rahe

rāhzan hī luuT le jab rahnumā koī nahīñ

jaan kar 'beḳhud' huā ḳhud dushman apnī jaan kā

phir gilā kyuuñ dostoñ se hai mirā koī nahīñ

ham-nashinon mein hamara ham-nawa koi nahin

aashna to hain bahut dard-ashna koi nahin

ai masiha maut se kar zindagani ka ilaj

ho rahe wo ghair ke ab aasra koi nahin

but-kade se chhuT kar aisa hue be-KHanuman

jaise zer-e-asman mera KHuda koi nahin

KHud-numai mein bhi wo mahbub hai mastur hai

dekhte hain sab magar pahchanta koi nahin

burrish-e-tegh-e-ada-e-dost ka ehsas hai

ab rahin-e-minnat-e-tir-e-qaza koi nahin

hai teri mashq-e-sitam ka rang agar yunhi to phir

dekha lena ek din tere siwa koi nahin

puchhte hain muddaa mujh se adu ke samne

muddaa ye hai ki kah dun muddaa koi nahin

ba-wafa itni jafa par kaun hai mere siwa

tujh se baDh kar bad-guman ai bewafa koi nahin

baDh gaya hai aaj kal jaur-e-butan kuchh is qadar

dast-gir-e-bandagan goya KHuda koi nahin

le ke bar-e-zindagi kab tak koi phirta rahe

rahzan hi luT le jab rahnuma koi nahin

jaan kar 'beKHud' hua KHud dushman apni jaan ka

phir gila kyun doston se hai mera koi nahin