humne aankhon mein nahin dil mein sajaya tumko

ham ne āñkhoñ meñ nahīñ dil meñ sajāyā tum ko

sang-ḳhānoñ meñ banāyā na tamāsha tum ko

jism to ḳhaak hai aur ḳhaak meñ mil jā.egā

maiñ bahar-hāl kitāboñ meñ milūñgā tum ko

ek ik daur meñ sau ruup badal kar dekhā

ab ke paayā bhī to aisā ki na paayā tum ko

barf ke jismoñ pe kyā ThanDī havāoñ kā asar

ban ke rahnā hai yahāñ aag kā sho'la tum ko

ḳhair ab to mirī āñkheñ haiñ tumhārī āñkheñ

haañ mire baa'd nazar aa.egī duniyā tum ko

hum ne aankhon mein nahin dil mein sajaya tum ko

sang-KHanon mein banaya na tamasha tum ko

jism to KHak hai aur KHak mein mil jaega

main bahar-haal kitabon mein milunga tum ko

ek ek daur mein sau rup badal kar dekha

ab ke paya bhi to aisa ki na paya tum ko

barf ke jismon pe kya ThanDi hawaon ka asar

ban ke rahna hai yahan aag ka sho'la tum ko

KHair ab to meri aankhen hain tumhaari aankhen

han mere ba'd nazar aaegi duniya tum ko