humne apne dil ko pesh-e-ru-e-jaanan kar diya

ham ne apne dil ko pesh-e-rū-e-jānāñ kar diyā

ā.īna ko ā.īna dikhlā ke hairāñ kar diyā

apnī parchhā.īñ se kosoñ bhāgtā huuñ in dinoñ

mujh ko vahshat ne zamāne se gurezāñ kar diyā

yak jahāñ maarā gayā ishq-e-lab-e-jāñ-baḳhsh meñ

tum ne aalam ko ġharīq-e-āb-e-haivāñ kar diyā

ham ne chand aurāq-e-vasf-e-gul meñ likkhe the kahīñ

naam un kā shaiḳh 'sādī' ne gulistāñ kar diyā

hum ne apne dil ko pesh-e-ru-e-jaanan kar diya

aaina ko aaina dikhla ke hairan kar diya

apni parchhain se koson bhagta hun in dinon

mujh ko wahshat ne zamane se gurezan kar diya

yak jahan mara gaya ishq-e-lab-e-jaan-baKHsh mein

tum ne aalam ko ghariq-e-ab-e-haiwan kar diya

hum ne chand auraq-e-wasf-e-gul mein likkhe the kahin

nam un ka shaiKH 'sadi' ne gulistan kar diya