humne ghaTta-baDhta saya pag-pag chal kar dekha hai

ham ne ghaTtā-baḌhtā saayā pag-pag chal kar dekhā hai

har raahī ik dhundlā-pan hai har jaada ik dhokā hai

ham bhī kisī lamhe kī uñglī thaam ke ik din chal deñge

tū ne to ai jaane vaale jaane ko kyā jaanā hai

maazī kī be-nām guphā meñ baiThe baiThe sochte haiñ

nagar-nagar hai shohrat apnī ghar-ghar apnā charchā hai

ham tum donoñ dost purāne sadiyoñ kī majbūrī ke

is se baḌh kar tum hī bolo aur bhī koī rishta hai

aate jaate har raahī se pūchh rahā huuñ barsoñ se

naam hamārā le kar tum se haal kisī ne pūchhā hai

ḳhud ko paane kī chintā ne gyaan jagāyā duurī kā

ghar apnā hai shahr parāyā biich meñ lambā rastā hai

hum ne ghaTta-baDhta saya pag-pag chal kar dekha hai

har rahi ek dhundla-pan hai har jada ek dhoka hai

hum bhi kisi lamhe ki ungli tham ke ek din chal denge

tu ne to ai jaane wale jaane ko kya jaana hai

mazi ki be-nam gupha mein baiThe baiThe sochte hain

nagar-nagar hai shohrat apni ghar-ghar apna charcha hai

hum tum donon dost purane sadiyon ki majburi ke

is se baDh kar tum hi bolo aur bhi koi rishta hai

aate jate har rahi se puchh raha hun barson se

nam hamara le kar tum se haal kisi ne puchha hai

KHud ko pane ki chinta ne gyan jagaya duri ka

ghar apna hai shahr paraya bich mein lamba rasta hai