humne jaez sharab kar Dali

ham ne jaa.ez sharāb kar Daalī

zindagānī ḳharāb kar Daalī

dhajjī dhajjī ḳhud apne maz.hab kī

ham ne aalī janāb kar Daalī

sirf duniyā hī tak nahīñ mahdūd

āqibat tak ḳharāb kar Daalī

koī chehra nazar nahīñ aatā

koshish-e-be-hisāb kar Daalī

aql-mandoñ ne zid meñ qudrat se

kul zamīñ zer-e-āb kar Daalī

kuchh samajh meñ na aap ke aaya

ḳhatm saarī kitāb kar Daalī

kyā qayāmat hai pīr-o-murshid ne

kufr mastī savāb kar Daalī

bas ke 'āsī' ye vaqt-e-tauba hai

aarzū be-hisāb kar Daalī

hum ne jaez sharab kar Dali

zindagani KHarab kar Dali

dhajji dhajji KHud apne mazhab ki

hum ne aali janab kar Dali

sirf duniya hi tak nahin mahdud

aaqibat tak KHarab kar Dali

koi chehra nazar nahin aata

koshish-e-be-hisab kar Dali

aql-mandon ne zid mein qudrat se

kul zamin zer-e-ab kar Dali

kuchh samajh mein na aap ke aaya

KHatm sari kitab kar Dali

kya qayamat hai pir-o-murshid ne

kufr masti sawab kar Dali

bas ke 'asi' ye waqt-e-tauba hai

aarzu be-hisab kar Dali