humne jab chaha koi aag bujhane aae

ham ne jab chāhā koī aag bujhāne aa.e

aa.e to log magar dil ko jalāne aa.e

kuchh asar hotā nahīñ bazm-e-tarab kā dil par

dard kā giit koī aaj sunāne aa.e

raas jab aa na sakā shahr-e-ḳhirad kā māhaul

vus.at-e-dasht-o-bayābāñ meñ divāne aa.e

bhāgī jaatī hai ye duniyā na.ī raunaq kī taraf

shahr hai ujḌā huā kaun basāne aa.e

aaj tak jin ko nahīñ rāh-e-sadāqat kī ḳhabar

haqq-o-bātil kā vahī farq batāne aa.e

kyuuñ kisī ġhair pe ilzām maiñ rakhtā 'anjum'

mere apne vo sabhī the jo rulāne aa.e

hum ne jab chaha koi aag bujhane aae

aae to log magar dil ko jalane aae

kuchh asar hota nahin bazm-e-tarab ka dil par

dard ka git koi aaj sunane aae

ras jab aa na saka shahr-e-KHirad ka mahaul

wusat-e-dasht-o-bayaban mein diwane aae

bhagi jati hai ye duniya nai raunaq ki taraf

shahr hai ujDa hua kaun basane aae

aaj tak jin ko nahin rah-e-sadaqat ki KHabar

haqq-o-baatil ka wahi farq batane aae

kyun kisi ghair pe ilzam main rakhta 'anjum'

mere apne wo sabhi the jo rulane aae