ہم نے جس طرح گزاری ہے گزارے کوئی

ہم نے جس طرح گزاری ہے گزارے کوئی

ایسا لگتا تھا کہ زنجیر سے مارے کوئی

خودکشی کرنے کو دریا کی طرف جاتا ہوں

اور مل جاتا ہے ہر روز کنارے کوئی

یہ محبت میں فقط کہنے کی باتیں ہیں میاں

لا کے دے سکتا نہیں چاند ستارے کوئی

خواب میں چھوڑ کے تو جاتا ہے یوں ہوتا ہے

جیسے گردن پہ چلائے مری آرے کوئی

کوئی مونس نہیں یاور نہ مددگار کوئی

دور حاضر میں نہیں دیتا سہارے کوئی

آخر وقت پکارا گیا یاسرؔ یاسرؔ

کشمکش میں تھا کہ شاید ہی پکارے کوئی