humne jo dip jalae hain teri galiyon mein

ham ne jo diip jalā.e haiñ tirī galiyoñ meñ

apne kuchh ḳhvāb sajā.e haiñ tirī galiyoñ meñ

jaane ye ishq hai yā koī karāmat apnī

chāñd le kar chale aa.e haiñ tirī galiyoñ meñ

tazkira ho tirī galiyoñ kā to Dar jaatā hai

dil ne vo zaḳhm uThā.e haiñ tirī galiyoñ meñ

is liye bhī tirī galiyoñ se hameñ nafrat hai

ham ne armān gañvā.e haiñ tirī galiyoñ meñ

kyuuñ har ik chiiz adhūrī sī hameñ lagtī hai

jaane kyā chhoḌ ke aa.eñ haiñ tirī galiyoñ meñ

hum ne jo dip jalae hain teri galiyon mein

apne kuchh KHwab sajae hain teri galiyon mein

jaane ye ishq hai ya koi karamat apni

chand le kar chale aae hain teri galiyon mein

tazkira ho teri galiyon ka to Dar jata hai

dil ne wo zaKHm uThae hain teri galiyon mein

is liye bhi teri galiyon se hamein nafrat hai

hum ne arman ganwae hain teri galiyon mein

kyun har ek chiz adhuri si hamein lagti hai

jaane kya chhoD ke aaen hain teri galiyon mein