humne kaha ki aashiqi-e-sim-o-zar ghalat

ham ne kahā ki āshiqī-e-sīm-o-zar ġhalat

us ne kahā ye baat nahīñ hai magar ġhalat

hotā ye sar-nigūñ kisī dar par to Thiik thā

rakkhā huā hai dosh par apne ye sar ġhalat

āḳhir khulā ye ham pe ma.āl-e-suḳhanvarī

apnā liyā hai ham ne jahāñ meñ hunar ġhalat

liije ḳhatā phir aaj vahī ham se ho ga.ī

phir kah ga.e ġhalat ko baġhair-e-ḳhatar ġhalat

vaañ hai ġhurūr-e-husn sarāpā yahāñ anā

har vasf us taraf to bajā hai idhar ġhalat

vo aur zulm-o-jaur pe maa.il ḳhabar durust

ham aur tark-e-ishq uḌī hai ḳhabar ġhalat

phir aaj un ke dar pe na sar jhuk sakā 'shahāb'

ye kaam ham se ho gayā bār-e-digar ġhalat

hum ne kaha ki aashiqi-e-sim-o-zar ghalat

us ne kaha ye baat nahin hai magar ghalat

hota ye sar-nigun kisi dar par to Thik tha

rakkha hua hai dosh par apne ye sar ghalat

aaKHir khula ye hum pe maal-e-suKHanwari

apna liya hai hum ne jahan mein hunar ghalat

lije KHata phir aaj wahi hum se ho gai

phir kah gae ghalat ko baghair-e-KHatar ghalat

wan hai ghurur-e-husn sarapa yahan ana

har wasf us taraf to baja hai idhar ghalat

wo aur zulm-o-jaur pe mail KHabar durust

hum aur tark-e-ishq uDi hai KHabar ghalat

phir aaj un ke dar pe na sar jhuk saka 'shahab'

ye kaam hum se ho gaya bar-e-digar ghalat