humne to kaT li hai saza aap KHush rahen

ham ne to kaaT lī hai sazā aap ḳhush raheñ

mahfūz tum ko rakkhe ḳhudā aap ḳhush raheñ

do-pal mile ḳhushī ke haiñ un ko sañvār leñ

kal kī ḳhabar hai kis ko patā aap ḳhush raheñ

paayā sukūn ham ne thā bāñhoñ meñ aap kī

phir se nasīb hogā vo kyā aap ḳhush raheñ

sāmān apnā bāñdh ke tum uTh ke chal diye

chāroñ taraf hai bahkī havā aap ḳhush raheñ

chāhe tamām zaḳhm do yā do hameñ davā

hai aarzū ye dil ki sadā aap ḳhush raheñ

mahsūs ho rahī haiñ baḌhī dil kī dhaḌkaneñ

antim paḌāv ho na mirā aap ḳhush raheñ

'āzar' zarā sī baat ko yuuñ tuul tum na do

ġhussa nahīñ hai us kī davā aap ḳhush raheñ

hum ne to kaT li hai saza aap KHush rahen

mahfuz tum ko rakkhe KHuda aap KHush rahen

do-pal mile KHushi ke hain un ko sanwar len

kal ki KHabar hai kis ko pata aap KHush rahen

paya sukun hum ne tha banhon mein aap ki

phir se nasib hoga wo kya aap KHush rahen

saman apna bandh ke tum uTh ke chal diye

chaaron taraf hai bahki hawa aap KHush rahen

chahe tamam zaKHm do ya do hamein dawa

hai aarzu ye dil ki sada aap KHush rahen

mahsus ho rahi hain baDhi dil ki dhaDkanen

antim paDaw ho na mera aap KHush rahen

'azar' zara si baat ko yun tul tum na do

ghussa nahin hai us ki dawa aap KHush rahen