humne to kal raat ka manzar kasila kar diya

ham ne to kal raat kā manzar kasīlā kar diyā

āsmāñ pe hijr likh kar chāñd piilā kar diyā

zahr amrit meñ milā kar kaisā hiila kar diyā

titliyoñ ne chuum kar phūloñ ko niilā kar diyā

lagtā hai is shahr pe us kī vafā kā qarz thā

vaqt-e-ruḳhsat us ne āvāzoñ ko giilā kar diyā

ishq terī ḳhair ho ab ḳhair ho bas ḳhair ho

tū ne is dil ke muqābil ik qabīla kar diyā

ham to dekh aa.e haiñ tum bhī dekho sohbat kā asar

kāñToñ ne phūloñ ke jismoñ ko nukīlā kar diyā

raat kal pākīzgī pe sher kahnā thā magar

us kī yādoñ ne taḳhayyul ko nashīlā kar diyā

chaar din baad us kī bhī bātoñ meñ narmī aa ga.ī

ham ne bhī kuchh apne lahje ko lachīlā kar diyā

haañ ye 'dilbar' pe baḌā ehsān hai terā ġhazal

tū ne mar ke zinda rahne kā vasīla kar diyā

hum ne to kal raat ka manzar kasila kar diya

aasman pe hijr likh kar chand pila kar diya

zahr amrit mein mila kar kaisa hila kar diya

titliyon ne chum kar phulon ko nila kar diya

lagta hai is shahr pe us ki wafa ka qarz tha

waqt-e-ruKHsat us ne aawazon ko gila kar diya

ishq teri KHair ho ab KHair ho bas KHair ho

tu ne is dil ke muqabil ek qabila kar diya

hum to dekh aae hain tum bhi dekho sohbat ka asar

kanTon ne phulon ke jismon ko nukila kar diya

raat kal pakizgi pe sher kahna tha magar

us ki yaadon ne taKHayyul ko nashila kar diya

chaar din baad us ki bhi baaton mein narmi aa gai

hum ne bhi kuchh apne lahje ko lachila kar diya

han ye 'dilbar' pe baDa ehsan hai tera ghazal

tu ne mar ke zinda rahne ka wasila kar diya