humne to KHak bhi dekha na asar rone mein

ham ne to ḳhaak bhī dekhā na asar rone meñ

umr kyuuñ khote ho ai dīda-e-tar rone meñ

raat kab aa.e tum aur kab ga.e ma.alūm nahīñ

jaan itnī na rahī ham ko ḳhabar rone meñ

jab talak ashk thameñ baiTh agar aayā hai

terī sūrat nahīñ aatī hai nazar rone meñ

tujh ko ai dīda-e-tar shaġhl hai ronā lekin

Duubā jaatā hai yahāñ dil kā nagar rone meñ

ālam-e-ishq meñ majnūñ bhī baḌā gāḌhā thā

yaar majnūñ se bhī ham gaaḌe haiñ par rone meñ

hum ne to KHak bhi dekha na asar rone mein

umr kyun khote ho ai dida-e-tar rone mein

raat kab aae tum aur kab gae malum nahin

jaan itni na rahi hum ko KHabar rone mein

jab talak ashk thamen baiTh agar aaya hai

teri surat nahin aati hai nazar rone mein

tujh ko ai dida-e-tar shaghl hai rona lekin

Duba jata hai yahan dil ka nagar rone mein

aalam-e-ishq mein majnun bhi baDa gaDha tha

yar majnun se bhi hum gaDe hain par rone mein