humne to sharafat mein har chiz ganwa di hai

ham ne to sharāfat meñ har chiiz gañvā dī hai

duniyā kā kabhī ġham thā ab maut kī shādī hai

sab zaḳhm hue taaza yādoñ se ulajhte hī

bujhte hue sho.aloñ ko ye kis ne havā dī hai

ik baar kahā hotā ham aap hī mar jaate

tum ne to hameñ saaqī nazroñ se pilā dī hai

tanhā.ī muqaddar hai merā bhī tumhārā bhī

is daur meñ jiine kī kyā ḳhuub sazā dī hai

vo lauT ke ā.eñge is aas meñ āñkhoñ ko

dahlīz pe rakkhā hai aur sham.a bujhā dī hai

hum ne to sharafat mein har chiz ganwa di hai

duniya ka kabhi gham tha ab maut ki shadi hai

sab zaKHm hue taza yaadon se ulajhte hi

bujhte hue shoalon ko ye kis ne hawa di hai

ek bar kaha hota hum aap hi mar jate

tum ne to hamein saqi nazron se pila di hai

tanhai muqaddar hai mera bhi tumhaara bhi

is daur mein jine ki kya KHub saza di hai

wo lauT ke aaenge is aas mein aankhon ko

dahliz pe rakkha hai aur shama bujha di hai