humne to socha bhi nahin tha aisa din bhi aaega

ham ne to sochā bhī nahīñ thā aisā din bhī aa.egā

apnoñ kā yuuñ ruḳh badlegā sab se jī bhar jā.egā

dil meñ jo hai sab kah Daalo vaqt bahut kam baaqī hai

kaun yahāñ hai dost tumhārā jo dushman ho jā.egā

kaise kaise pyāre sāthī kaisī kaisī bāteñ thiiñ

kis ko kyā ma.alūm thā yaaro kaun kahāñ chhuT jā.egā

pyaar ke badle nafrat paa.ī nafrat bhī itnī gahrī

aisā kyuuñ hai kyuuñ hai aisā koī samajh na pā.egā

mat pūchho ham ko apnoñ ne kaise kaise zaḳhm diye

gar ye qissa chheḌ diyā to sab kā jī bhar aa.egā

āñkhoñ meñ ab ashk nahīñ haiñ siine meñ ab aah nahīñ

us kī baat karo mat mujh se dard bahut baḌh jā.egā

apnā bhī ik yaar thā aisā jis se kuchh kah lete the

ab jo dil kā bojh baḌhegā kis ke dar par jā.egā

pyaar mohabbat laag lagāo ke baare meñ mat socho

rahā-sahā jo bharam bachā hai yuuñ vo bhī uTh jā.egā

ghar se be-ghar ho kar ham to maare maare phirte haiñ

ye banjārā dil dekho ab ham ko kidhar le jā.egā

ham ne to apnī kah Daalī tum bhī to kuchh apnī kaho

dil kī baat karo kuchh yaaro dil halkā ho jā.egā

hum ne to socha bhi nahin tha aisa din bhi aaega

apnon ka yun ruKH badlega sab se ji bhar jaega

dil mein jo hai sab kah Dalo waqt bahut kam baqi hai

kaun yahan hai dost tumhaara jo dushman ho jaega

kaise kaise pyare sathi kaisi kaisi baaten thin

kis ko kya malum tha yaro kaun kahan chhuT jaega

pyar ke badle nafrat pai nafrat bhi itni gahri

aisa kyun hai kyun hai aisa koi samajh na paega

mat puchho hum ko apnon ne kaise kaise zaKHm diye

gar ye qissa chheD diya to sab ka ji bhar aaega

aankhon mein ab ashk nahin hain sine mein ab aah nahin

us ki baat karo mat mujh se dard bahut baDh jaega

apna bhi ek yar tha aisa jis se kuchh kah lete the

ab jo dil ka bojh baDhega kis ke dar par jaega

pyar mohabbat lag lagao ke bare mein mat socho

raha-saha jo bharam bacha hai yun wo bhi uTh jaega

ghar se be-ghar ho kar hum to mare mare phirte hain

ye banjara dil dekho ab hum ko kidhar le jaega

hum ne to apni kah Dali tum bhi to kuchh apni kaho

dil ki baat karo kuchh yaro dil halka ho jaega