humne us shaKHs ko mayusi ka paikar jaana

ham ne us shaḳhs ko māyūsī kā paikar jaanā

jis ne hālāt kī gardish ko muqaddar jaanā

mere har sher se mahzūz huī hai duniyā

mere har zaḳhm ko duniyā ne gul-e-tar jaanā

tajribe kaun sī manzil pe mujhe le aa.e

mere ehsās ne har phuul ko patthar jaanā

us se pūchho ki ġharīb-ul-vatanī kyā shai hai

jis ko mushkil ho vatan apne palaT kar jaanā

is liye ham ne chalāyā na kisī par patthar

sar kisī kā bhī ho apnā hī use sar jaanā

fahm-o-idrāk kī jab saarī hadeñ TuuT ga.iiñ

tishnagī ne mirī sahrā ko samundar jaanā

sirf ehsās hī dukh-sukh kā pata detā hai

ham ne phūloñ ko bhī angāroñ kā bistar jaanā

hum ne us shaKHs ko mayusi ka paikar jaana

jis ne haalat ki gardish ko muqaddar jaana

mere har sher se mahzuz hui hai duniya

mere har zaKHm ko duniya ne gul-e-tar jaana

tajribe kaun si manzil pe mujhe le aae

mere ehsas ne har phul ko patthar jaana

us se puchho ki gharib-ul-watani kya shai hai

jis ko mushkil ho watan apne palaT kar jaana

is liye hum ne chalaya na kisi par patthar

sar kisi ka bhi ho apna hi use sar jaana

fahm-o-idrak ki jab sari haden TuT gain

tishnagi ne meri sahra ko samundar jaana

sirf ehsas hi dukh-sukh ka pata deta hai

hum ne phulon ko bhi angaron ka bistar jaana