humne ye kab kaha hai ki achchha nahin hua

ham ne ye kab kahā hai ki achchhā nahīñ huā

jis kī thī aarzū hameñ vaisā nahīñ huā

T v pe news aa ga.ī un ke zukām kī

lekin hamāre qatl kā charchā nahīñ huā

adl-o-vafā-o-amn-o-mohabbat ko chhoḌ kar

sāhab tumhāre raaj meñ kyā kyā nahīñ huā

har raaz tujh ko ham ne batāyā hai jān-e-jāñ

ham se kisī bhī baat kā parda nahīñ huā

vo jis ne tere vāste sab kuchh luTā diyā

ye kyā ki yaar tū bhī usī kā nahīñ huā

hum ne ye kab kaha hai ki achchha nahin hua

jis ki thi aarzu hamein waisa nahin hua

T w pe news aa gai un ke zukaam ki

lekin hamare qatl ka charcha nahin hua

adl-o-wafa-o-amn-o-mohabbat ko chhoD kar

sahab tumhaare raj mein kya kya nahin hua

har raaz tujh ko hum ne bataya hai jaan-e-jaan

hum se kisi bhi baat ka parda nahin hua

wo jis ne tere waste sab kuchh luTa diya

ye kya ki yar tu bhi usi ka nahin hua