humne yun parcham-e-mear uTha rakkha hai

ham ne yuuñ parcham-e-me.ār uThā rakkhā hai

kāġhazī phūloñ se ghar apnā sajā rakkhā hai

sab pe chhāyā huā hai ro.ab sitamgārī kā

dil meñ logoñ ne kahāñ ḳhauf-e-ḳhudā rakkhā hai

apnā haq māñgnā kyā jurm koī hai āḳhir

tum ne is baat pe kyoñ hashr uThā rakkhā hai

vo jo ġhāfil hai yahāñ jazba-e-hamdardī se

naam kyoñ us kā bhalā ahl-e-vafā rakkhā hai

maiñ tirā zulm nahīñ bhūlā magar tere liye

aaj bhī zehn kā darvāza khulā rakkhā hai

jāntā hai vo mirī izzat-o-tauqīr hai kyā

jis ne neze pe mire sar ko uThā rakkhā hai

tum ko ma.alūm hai kyā apnī haqīqat 'asrār'

ḳhud ko ā.īne se kyoñ tum ne bachā rakkhā hai

hum ne yun parcham-e-mear uTha rakkha hai

kaghazi phulon se ghar apna saja rakkha hai

sab pe chhaya hua hai roab sitamgari ka

dil mein logon ne kahan KHauf-e-KHuda rakkha hai

apna haq mangna kya jurm koi hai aaKHir

tum ne is baat pe kyon hashr uTha rakkha hai

wo jo ghafil hai yahan jazba-e-hamdardi se

nam kyon us ka bhala ahl-e-wafa rakkha hai

main tera zulm nahin bhula magar tere liye

aaj bhi zehn ka darwaza khula rakkha hai

jaanta hai wo meri izzat-o-tauqir hai kya

jis ne neze pe mere sar ko uTha rakkha hai

tum ko malum hai kya apni haqiqat 'asrar'

KHud ko aaine se kyon tum ne bacha rakkha hai