hum pe lazim tha pahunchna so yahan tak pahunche

ham pe lāzim thā pahuñchnā so yahāñ tak pahuñche

shauq ruktā hī nahīñ chāhe jahāñ tak pahuñche

lā-makāñ se jo chale kaun-o-makāñ tak pahuñche

be-karānī se ga.e hadd-e-gumāñ tak pahuñche

koī sahrā ko chalā koī samundar ko gayā

terī āñkhoñ ke suḳhan ahl-e-jahāñ tak pahuñche

koī apnī bhī to le jaa.e kabhī baat vahāñ

kitne paiġhām vahāñ se to yahāñ tak pahuñche

dil kā uljhāv hai dāġh-e-dil-e-ādam 'āmir'

dil ko ma.alūm nahīñ daaġh yahāñ tak pahuñche

hum pe lazim tha pahunchna so yahan tak pahunche

shauq rukta hi nahin chahe jahan tak pahunche

la-makan se jo chale kaun-o-makan tak pahunche

be-karani se gae hadd-e-guman tak pahunche

koi sahra ko chala koi samundar ko gaya

teri aankhon ke suKHan ahl-e-jahan tak pahunche

koi apni bhi to le jae kabhi baat wahan

kitne paigham wahan se to yahan tak pahunche

dil ka uljhaw hai dagh-e-dil-e-adam 'amir'

dil ko malum nahin dagh yahan tak pahunche