ہم پہ وہ مہرباں زیادہ ہے
ہم پہ وہ مہرباں زیادہ ہے
اس یقیں میں گماں زیادہ ہے
کچھ کمی ہے تو کارواں میں یہی
رہبر کارواں زیادہ ہے
ہے تو واعظ خدا پرست مگر
لب پہ ذکر بتاں زیادہ ہے
پیشتر بھی یہی قفس تھا مگر
اب کے شور فغاں زیادہ ہے
ظلم کی خیر ہو کہ عزم جواں
اور بھی اب جواں زیادہ ہے
اللہ اللہ بزم نو کے چراغ
روشنی کم دھواں زیادہ ہے
کم نہ جانو کسی کو تم خاورؔ
جو جہاں ہے وہاں زیادہ ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
