hum pi gae sab hile na ab tak

ham pī ga.e sab hile na ab tak

jī haar ga.e nujūm-e-shab tak

har chand ghaTā.eñ chhaT ga.ī haiñ

par dil pe ġhubār sā hai ab tak

ḳhush ho na zamāna mere ġham par

aa.egā ye daur-e-jām sab tak

ashkoñ ne fasāna kar diyā hai

vo lafz ki aa sakā na lab tak

har ġham ko uḌā diyā hañsī meñ

tum pesh-e-nazar rahe ho jab tak

mai-ḳhāne meñ sar chhupā.eñ aao

vā ho dar-e-ka.aba jaane kab tak

'shohrat' koī aur baat chheḌo

ulTeñ vo naqāb-e-lutf jab tak

hum pi gae sab hile na ab tak

ji haar gae nujum-e-shab tak

har chand ghaTaen chhaT gai hain

par dil pe ghubar sa hai ab tak

KHush ho na zamana mere gham par

aaega ye daur-e-jam sab tak

ashkon ne fasana kar diya hai

wo lafz ki aa saka na lab tak

har gham ko uDa diya hansi mein

tum pesh-e-nazar rahe ho jab tak

mai-KHane mein sar chhupaen aao

wa ho dar-e-kaba jaane kab tak

'shohrat' koi aur baat chheDo

ulTen wo naqab-e-lutf jab tak