hum qatl kab hue ye pata hi nahin chala

ham qatl kab hue ye patā hī nahīñ chalā

andāz thā ajab ki vo ḳhanjar ajiib thā

ummīd-e-bāryābī to mujh ko na thī magar

sāhil pe aa gayā maiñ samundar ajiib thā

dam-bhar ko bhī nigāh na chehre pe Tik sakī

us paikar-e-jamāl kā tevar ajiib thā

tanhā bhī rah ke ham kabhī tanhā nahīñ hue

hamrāh us kī yādoñ kā daftar ajiib thā

ham-dam gumān hotā thā phūloñ kī sej kā

ḳhāroñ se vo sajā huā bistar ajiib thā

ham mahv-e-justujū the 'sahar' mustaqil magar

manzil milī na phir bhī muqaddar ajiib thā

hum qatl kab hue ye pata hi nahin chala

andaz tha ajab ki wo KHanjar ajib tha

ummid-e-baryabi to mujh ko na thi magar

sahil pe aa gaya main samundar ajib tha

dam-bhar ko bhi nigah na chehre pe Tik saki

us paikar-e-jamal ka tewar ajib tha

tanha bhi rah ke hum kabhi tanha nahin hue

hamrah us ki yaadon ka daftar ajib tha

ham-dam guman hota tha phulon ki sej ka

KHaron se wo saja hua bistar ajib tha

hum mahw-e-justuju the 'sahar' mustaqil magar

manzil mili na phir bhi muqaddar ajib tha