hum rind-e-KHarabaat ko achchha na bura yaad

ham rind-e-ḳharābāt ko achchhā na burā yaad

saaqī kā kahā yaad na vaa.iz kā kahā yaad

phir chheḌ ga.ī bād-e-sabā shāḳh-e-suman ko

phir aa ga.ī un kī koī maḳhsūs adā yaad

jab pahlā qadam jāda-e-manzil pe rakhā thā

vo azm-e-safar yaad hai vo laġhzish-e-pā yaad

ai zauq-e-talab aa ke mirī rāh-barī kar

hai kis kā tajassus mujhe ye bhī na rahā yaad

ye kufr-e-mohabbat hai ki īmān-e-mohabbat

kartā huuñ tumheñ yaad to aatā hai ḳhudā yaad

hum rind-e-KHarabaat ko achchha na bura yaad

saqi ka kaha yaad na waiz ka kaha yaad

phir chheD gai baad-e-saba shaKH-e-suman ko

phir aa gai un ki koi maKHsus ada yaad

jab pahla qadam jada-e-manzil pe rakha tha

wo azm-e-safar yaad hai wo laghzish-e-pa yaad

ai zauq-e-talab aa ke meri rah-bari kar

hai kis ka tajassus mujhe ye bhi na raha yaad

ye kufr-e-mohabbat hai ki iman-e-mohabbat

karta hun tumhein yaad to aata hai KHuda yaad