hum riwayat ke sanche mein Dhalte bhi hain

ham rivāyat ke sāñche meñ Dhalte bhī haiñ

aur tarz-e-kuhan ko badalte bhī haiñ

jāda-e-ām par bhī hai apnī nazar

jāda-e-ām se bach ke chalte bhī haiñ

rāhibāna qanā'at ke ḳhūgar sahī

vālihāna kabhī ham machalte bhī haiñ

dāman-e-nashsha dete nahīñ haat se

rind girte bhī haiñ aur sambhalte bhī haiñ

yuuñ to iḳhfā-e-ġham kā namūna haiñ ham

dūsroñ ke liye haat malte bhī haiñ

kuchh ye hai maslahat-kesh ham bhī nahīñ

kuchh ye ahl-e-riyā ham se jalte bhī haiñ

naaz kyā is qadar aarzī husn par

shahryāroñ ke sikke badalte bhī haiñ

hum riwayat ke sanche mein Dhalte bhi hain

aur tarz-e-kuhan ko badalte bhi hain

jada-e-am par bhi hai apni nazar

jada-e-am se bach ke chalte bhi hain

rahibana qana'at ke KHugar sahi

walihana kabhi hum machalte bhi hain

daman-e-nashsha dete nahin hat se

rind girte bhi hain aur sambhalte bhi hain

yun to iKHfa-e-gham ka namuna hain hum

dusron ke liye hat malte bhi hain

kuchh ye hai maslahat-kesh hum bhi nahin

kuchh ye ahl-e-riya hum se jalte bhi hain

naz kya is qadar aarzi husn par

shahryaron ke sikke badalte bhi hain