ham-safar zist ka suraj ko banae rakkha

ham-safar ziist kā sūraj ko banā.e rakkhā

apne saa.e se hī qad apnā baḌhā.e rakkhā

shola-e-yād ko lipTā.e rakhā dāman se

is bahāne se tujhe apnā banā.e rakkhā

log āñkhoñ se hī andāza-e-ġham karte haiñ

ham ne āñkhoñ meñ tirā vasl sajā.e rakkhā

ik yahī to mirā hamrāz thā tanhā.ī kā

dard ko dil kī havelī meñ chhupā.e rakkhā

apnā andāz-e-safar sab se judāgāna rahā

āñkhoñ meñ shauq-e-safar dil ko sarā.e rakkhā

ham-safar zist ka suraj ko banae rakkha

apne sae se hi qad apna baDhae rakkha

shola-e-yaad ko lipTae rakha daman se

is bahane se tujhe apna banae rakkha

log aankhon se hi andaza-e-gham karte hain

hum ne aankhon mein tera wasl sajae rakkha

ek yahi to mera hamraaz tha tanhai ka

dard ko dil ki haweli mein chhupae rakkha

apna andaz-e-safar sab se judagana raha

aankhon mein shauq-e-safar dil ko sarae rakkha