ham-safari ek dhoka tha malum nahin

ham-safarī ik dhokā thā mā'lūm nahīñ

shāyad saath maiñ saayā thā mā'lūm nahīñ

lamha lamha yakjā karke dekheñge

kaun kahāñ kab bichhḌā thā mā'lūm nahīñ

jaane kaise us ne sahe ye zulm-o-sitam

andhā gūñgā bahrā thā mā'lūm nahīñ

dīvāne kyā pyaas bujhāte ashkoñ se

sahrā kitnā pyāsā thā mā'lūm nahīñ

'aks tumhāre yaad tumhārī saath rahī

kaise bhiiḌ meñ tanhā thā mā'lūm nahīñ

jis dar se sauġhāt kisī ne na paa.ī

haath vahāñ kyoñ phailā thā mā'lūm nahīñ

kis ne 'atā kī ḳhār-o-gul ko rā'nā.ī

kaun chaman se guzrā thā mā'lūm nahīñ

maañg ujāḌī kangan toḌe beva ne

rang-e-hinā kab chhūTā thā mā'lūm nahīñ

dair-o-haram meñ ashkoñ kī barsāt rahī

'sāḳhir' ne kyā māñgā thā mā'lūm nahīñ

ham-safari ek dhoka tha ma'lum nahin

shayad sath main saya tha ma'lum nahin

lamha lamha yakja karke dekhenge

kaun kahan kab bichhDa tha ma'lum nahin

jaane kaise us ne sahe ye zulm-o-sitam

andha gunga bahra tha ma'lum nahin

diwane kya pyas bujhate ashkon se

sahra kitna pyasa tha ma'lum nahin

'aks tumhaare yaad tumhaari sath rahi

kaise bhiD mein tanha tha ma'lum nahin

jis dar se saughat kisi ne na pai

hath wahan kyon phaila tha ma'lum nahin

kis ne 'ata ki KHar-o-gul ko ra'nai

kaun chaman se guzra tha ma'lum nahin

mang ujaDi kangan toDe bewa ne

rang-e-hina kab chhuTa tha ma'lum nahin

dair-o-haram mein ashkon ki barsat rahi

'saKHir' ne kya manga tha ma'lum nahin