hum salamat hain to apna ghar bhi hai

ham salāmat haiñ to apnā ghar bhī hai

zar bhī hai zar-gar bhī hai zevar bhī hai

abr-e-naisāñ aa.e aur barse to phir

gul bhī hai gulshan bhī hai gauhar bhī hai

diid kī quvvat ho jab tak aañkh meñ

mahr bhī hai mah bhī hai aḳhtar bhī hai

baḳht jab tak barsar-e-iqbāl ho

taḳht bhī hai taaj bhī hai sar bhī hai

sāqi-e-mehvash agar ho mehrbāñ

mai bhī hai miinā bhī hai sāġhar bhī hai

maut kī āñkhoñ se jab tak duur haiñ

chilqad-e-āhan bhī hai miġhfar bhī hai

vaqt par qaa.em rahe himmat agar

laT bhī hai patthar bhī hai ḳhanjar bhī hai

aql jab tak pāsbāñ hai jaan kī

ḳhauf bhī hai tars bhī hai Dar bhī hai

quvvat-e-parvāz kuchh bhī hai to phir

par bhī hai baazū bhī hai shahpar bhī hai

shauq agar hai manzil-e-maqsūd kā

rah bhī hai rahrav bhī hai rahbar bhī hai

hum salamat hain to apna ghar bhi hai

zar bhi hai zar-gar bhi hai zewar bhi hai

abr-e-naisan aae aur barse to phir

gul bhi hai gulshan bhi hai gauhar bhi hai

did ki quwwat ho jab tak aankh mein

mahr bhi hai mah bhi hai aKHtar bhi hai

baKHt jab tak barsar-e-iqbaal ho

taKHt bhi hai taj bhi hai sar bhi hai

saqi-e-mehwash agar ho mehrban

mai bhi hai mina bhi hai saghar bhi hai

maut ki aankhon se jab tak dur hain

chilqad-e-ahan bhi hai mighfar bhi hai

waqt par qaem rahe himmat agar

laT bhi hai patthar bhi hai KHanjar bhi hai

aql jab tak pasban hai jaan ki

KHauf bhi hai tars bhi hai Dar bhi hai

quwwat-e-parwaz kuchh bhi hai to phir

par bhi hai bazu bhi hai shahpar bhi hai

shauq agar hai manzil-e-maqsud ka

rah bhi hai rahraw bhi hai rahbar bhi hai