humse lamhat KHushi ke bhi sanbhaale na gae

ham se lamhāt ḳhushī ke bhī sañbhāle na ga.e

dard par dard uThe aur vo Taale na ga.e

maut se kam haiñ kahāñ talḳh ye mere din raat

ġham-e-furqat ke vo riste hue chhāle na ga.e

ḳhud ko mansūb kiyā naam tumhāre ham ne

naz' ke vaqt bhī tum dil se nikāle na ga.e

ġhota-zan hote rahe bahr-e-tafakkur meñ magar

ham se asrār ke motī bhī khañgāle na ga.e

un kī yādoñ ke thapeḌoñ se nahīñ ham ko najāt

ashk ke sail kabhī ham se sañbhāle na ga.e

dard-o-ġham ranj-o-alam karb-o-ḳhalish ai 'mohsin'

barq kī tarh gire aur ye Taale na ga.e

hum se lamhat KHushi ke bhi sanbhaale na gae

dard par dard uThe aur wo Tale na gae

maut se kam hain kahan talKH ye mere din raat

gham-e-furqat ke wo riste hue chhaale na gae

KHud ko mansub kiya nam tumhaare hum ne

naz' ke waqt bhi tum dil se nikale na gae

ghota-zan hote rahe bahr-e-tafakkur mein magar

hum se asrar ke moti bhi khangale na gae

un ki yaadon ke thapeDon se nahin hum ko najat

ashk ke sail kabhi hum se sanbhaale na gae

dard-o-gham ranj-o-alam karb-o-KHalish ai 'mohsin'

barq ki tarh gire aur ye Tale na gae