humse ye kah ke wo haal-e-shab-e-gham puchhte hain

ham se ye kah ke vo hāl-e-shab-e-ġham pūchhte haiñ

kyā batāoge na tum ab bhī ki ham pūchhte haiñ

yuuñ koī de ke zabāñ apnī mukar jaatā hai

aap se kahte haiñ ye aap se ham pūchhte haiñ

bhūle-bhaTke jo udhar koī nikal jaatā hai

ḳhair but-ḳhāne kī sab ahl-e-haram pūchhte haiñ

maiñ ne aisā koī hamdard na dekhā na sunā

sub.h ko mujh se vo hāl-e-shab-e-ġham pūchhte haiñ

jo na jhelī thī kabhī us ne vo aafat jhelī

aap kyā 'nūh' se afsāna-e-ġham pūchhte haiñ

hum se ye kah ke wo haal-e-shab-e-gham puchhte hain

kya bataoge na tum ab bhi ki hum puchhte hain

yun koi de ke zaban apni mukar jata hai

aap se kahte hain ye aap se hum puchhte hain

bhule-bhaTke jo udhar koi nikal jata hai

KHair but-KHane ki sab ahl-e-haram puchhte hain

main ne aisa koi hamdard na dekha na suna

subh ko mujh se wo haal-e-shab-e-gham puchhte hain

jo na jheli thi kabhi us ne wo aafat jheli

aap kya 'nuh' se afsana-e-gham puchhte hain