hum shahr-e-mohabbat ko basane mein lage hain

ham shahr-e-mohabbat ko basāne meñ lage haiñ

kuchh log magar aag lagāne meñ lage haiñ

tārīḳh to tārīḳh hai hargiz na miTegī

nādāñ haiñ jo tārīḳh miTāne meñ lage haiñ

afsos ki is jang meñ ab zill-e-ilāhī

ḳhud apne hī lashkar ko harāne meñ lage haiñ

vo hai ki kahānī hī badalne pe tulā hai

aur ham haiñ ki kirdār nibhāne meñ lage haiñ

kuchh dard to zulmat ne diye haiñ hameñ lekin

kuchh zaḳhm charāġhoñ ko jalāne meñ lage haiñ

lauTe haiñ to ab saath faqat gard-e-safar hai

ab jā ke kahīñ hosh Thikāne meñ lage haiñ

jo baat 'nafas' saare zamāne pe 'ayāñ thī

ham haiñ ki vahī baat batāne meñ lage haiñ

hum shahr-e-mohabbat ko basane mein lage hain

kuchh log magar aag lagane mein lage hain

tariKH to tariKH hai hargiz na miTegi

nadan hain jo tariKH miTane mein lage hain

afsos ki is jang mein ab zill-e-ilahi

KHud apne hi lashkar ko harane mein lage hain

wo hai ki kahani hi badalne pe tula hai

aur hum hain ki kirdar nibhane mein lage hain

kuchh dard to zulmat ne diye hain hamein lekin

kuchh zaKHm charaghon ko jalane mein lage hain

lauTe hain to ab sath faqat gard-e-safar hai

ab ja ke kahin hosh Thikane mein lage hain

jo baat 'nafas' sare zamane pe 'ayan thi

hum hain ki wahi baat batane mein lage hain