ہم ٹھہرے برباد محبت عالم سارا جانے ہے

ہم ٹھہرے برباد محبت عالم سارا جانے ہے

دل پہ ہمارے کیا گزرے ہے دل ہی ہمارا جانے ہے

اے ساحل سے دیکھنے والو تم کو یہ معلوم نہیں

ڈوبنے والا کیوں تنکے کو اپنا سہارا جانے ہے

تم کیا جانو عشق بتاں کو تم نے عشق کیا کب ہے

ان کی ادائے جور و ستم کو درد کا مارا جانے ہے

ہم بھی حقیقت جان رہے ہیں بیٹھے بیٹھے خوابوں کی

وہ ہے نظر کا دھوکا جس کو دل یہ نظارا جانے ہے

گلیوں گلیوں پھرتا ہے جو دل میں تمہاری یاد لیے

دنیا اس کو پاگل سمجھے اور بیچارہ جانے ہے

آپ اسے سمجھیں نہ سمجھیں ہم کو ہے معلوم مجیدؔ

کوئی تو ہے جو ہم کو ابھی تک آنکھ کا تارا جانے ہے