hum the kisi ka dhyan tha wo bhi nahin raha
hum the kisi ka dhyan tha wo bhi nahin raha
Mushaf Iqbal Tausifi
MORE BYMushaf Iqbal Tausifi
ham the kisī kā dhyān thā vo bhī nahīñ rahā
ik rabt-e-jism-o-jān thā vo bhī nahīñ rahā
jhagḌā thā merā jis se vo duniyā kidhar ga.ī
ik shaḳhs darmiyān thā vo bhī nahīñ rahā
misl-e-charāġh tīrgi-e-jism-o-jāñ meñ dil
ik shahr-e-be-nishān thā vo bhī nahīñ rahā
īñTeñ bichhī thiiñ jis meñ vo ik tañg sī galī
us meñ mirā makān thā vo bhī nahīñ rahā
duniyā mirī nahīñ na sahī tum to saath ho
kyā kyā hameñ gumān thā vo bhī nahīñ rahā
nuqta banī nigāh se ojhal huī zamīñ
sar par ik āsmān thā vo bhī nahīñ rahā
'mus.haf' tumhārā naam yahīñ thā aur us pe haañ
ik surḳh sā nishān thā vo bhī nahīñ rahā
hum the kisi ka dhyan tha wo bhi nahin raha
ek rabt-e-jism-o-jaan tha wo bhi nahin raha
jhagDa tha mera jis se wo duniya kidhar gai
ek shaKHs darmiyan tha wo bhi nahin raha
misl-e-charagh tirgi-e-jism-o-jaan mein dil
ek shahr-e-be-nishan tha wo bhi nahin raha
inTen bichhi thin jis mein wo ek tang si gali
us mein mera makan tha wo bhi nahin raha
duniya meri nahin na sahi tum to sath ho
kya kya hamein guman tha wo bhi nahin raha
nuqta bani nigah se ojhal hui zamin
sar par ek aasman tha wo bhi nahin raha
'mushaf' tumhaara nam yahin tha aur us pe han
ek surKH sa nishan tha wo bhi nahin raha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
