hum tere gham ke pas baiThe the

ham tire ġham ke paas baiThe the

dūsre ġham udaas baiThe the

bas vahī imtihāñ meñ paas hue

jo tire ās-pās baiThe the

shaah ko bhā ga.ī thī ik daasī

sab musāhib udaas baiThe the

āñdhī aa.ī to inkishāf huā

kursiyoñ par libās baiThe the

bām-o-dar ko nahīñ dikhā.ī diye

tum hamāre hī paas baiThe the

aaj thā bādshāh kā tiijā

qabr par sirf daas baiThe the

dostoñ ne hañsā diyā aa kar

achchhe-ḳhāse udaas baiThe the

hum tere gham ke pas baiThe the

dusre gham udas baiThe the

bas wahi imtihan mein pas hue

jo tere aas-pas baiThe the

shah ko bha gai thi ek dasi

sab musahib udas baiThe the

aandhi aai to inkishaf hua

kursiyon par libas baiThe the

baam-o-dar ko nahin dikhai diye

tum hamare hi pas baiThe the

aaj tha baadshah ka tija

qabr par sirf das baiThe the

doston ne hansa diya aa kar

achchhe-KHase udas baiThe the