ہم تو دائم سفر میں رہتے ہیں
ہم تو دائم سفر میں رہتے ہیں
در بہ در اپنے گھر میں رہتے ہیں
جیسے جلتے ہوئے مکاں کے مکیں
یوں کسی کی نظر میں رہتے ہیں
مہر و مہ آسمان میں ڈھونڈیں
اور وہ بام و در میں رہتے ہیں
ہم کو ان پتھروں سے نسبت ہے
جو تری رہگزر میں رہتے ہیں
جھوٹ تیری بلندیاں ہیں فلک
آسماں بال و پر میں رہتے ہیں
گھر کی ویرانیاں بڑھیں ذرہؔ
آج کل ہم جو گھر میں رہتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
