hum to maujud the raaton mein ujalon ki tarah
ham to maujūd the rātoñ meñ ujāloñ kī tarah
log nikle hī nahīñ DhūñDne vāloñ kī tarah
jaane kyuuñ vaqt bhī āñkheñ bhī qalam bhī lab bhī
aaj ḳhāmosh haiñ guzre hue sāloñ kī tarah
hājateñ ziist ko ghere meñ liye rakhtī haiñ
ḳhasta dīvār se chimTe hue jāloñ kī tarah
raat bhīgī to sisaktī huī ḳhāmoshī se
āsmāñ phuuT paḌā jism ke chhāloñ kī tarah
saarī rāheñ sabhī socheñ sabhī bāteñ sabhī ḳhvāb
kyuuñ haiñ tārīḳh ke be-rabt havāloñ kī tarah
zindagī ḳhushk hai vīrān hai afsurda hai
ek mazdūr ke bikhre hue bāloñ kī tarah
zaḳhm pahne hue ma.asūm bhikārī bachche
safha-e-dahr pe bikhre haiñ savāloñ kī tarah
hum to maujud the raaton mein ujalon ki tarah
log nikle hi nahin DhunDne walon ki tarah
jaane kyun waqt bhi aankhen bhi qalam bhi lab bhi
aaj KHamosh hain guzre hue salon ki tarah
hajaten zist ko ghere mein liye rakhti hain
KHasta diwar se chimTe hue jalon ki tarah
raat bhigi to sisakti hui KHamoshi se
aasman phuT paDa jism ke chhaalon ki tarah
sari rahen sabhi sochen sabhi baaten sabhi KHwab
kyun hain tariKH ke be-rabt hawalon ki tarah
zindagi KHushk hai viran hai afsurda hai
ek mazdur ke bikhre hue baalon ki tarah
zaKHm pahne hue masum bhikari bachche
safha-e-dahr pe bikhre hain sawalon ki tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
