ہم تو نہ جائیں گے در جانانہ چھوڑ کر

ہم تو نہ جائیں گے در جانانہ چھوڑ کر

جاتا ہے برہمن کہیں بت خانہ چھوڑ کر

نبھتی ہے توبا خوف شماتت سے ورنہ دل

پچتا رہا ہے مشرب رندانہ چھوڑ کر

بولے وہ قصہ خواں سے میری داستان پر

کچھ اور ذکر چھیڑ یہ افسانہ چھوڑ کر

جنت کی آرزو میں رہے کون حشر تک

واعظ یہ عیش و عشرت مے خانہ چھوڑ کر

جاناں کہاں یگانہ سمجھتا اگر مجھے

بیگانے کو گیا دل بیگانہ چھوڑ کر

اے سیل اشک تو ہو جہاں کوئی گھر کہاں

اپنا گزر کہیں نہیں ویرانہ چھوڑ کر

آئے جو پیش میکدہ دو چار معتقد

بھاگا ہے شیخ سبحۂ صد چھوڑ کر

دیوانہ ہوں تو چاہے تنہا نا رہنے دو

جاتے ہو تم کہاں مجھے دیوانہ چھوڑ کر

مسجد میں بھی تو اہل ریا کی کمی نہیں

نا حق ہم آئے صحبت بت خانہ چھوڑ کر