hum to na jaenge dar-e-jaanana chhoD kar

ham to na jā.eñge dar-e-jānāna chhoḌ kar

jaatā hai barhaman kahīñ but-ḳhāna chhoḌ kar

nibhtī hai taubā ḳhauf shamātat se varna dil

pachtā rahā hai mashrab-e-rindāna chhoḌ kar

bole vo qissa-ḳhvāñ se merī dāstān par

kuchh aur zikr chheḌ ye afsāna chhoḌ kar

jannat kī aarzū meñ rahe kaun hashr tak

vaa.iz ye aish-o-ishrat-e-mai-ḳhāna chhoḌ kar

jānāñ kahāñ yagāna samajhtā agar mujhe

begāne ko gayā dil-e-begāna chhoḌ kar

ai sail-e-ashk tū ho jahāñ koī ghar kahāñ

apnā guzar kahīñ nahīñ vīrāna chhoḌ kar

aa.e jo pesh mai-kada do-chār mo'taqid

bhāgā hai shaiḳh subha-e-sad chhoḌ kar

dīvāna huuñ to chāhe tanhā nā rahne do

jaate ho tum kahāñ mujhe dīvāna chhoḌ kar

masjid meñ bhī to ahl-e-riyā kī kamī nahīñ

nā-haq ham aa.e sohbat-e-but-ḳhāna chhoḌ kar

hum to na jaenge dar-e-jaanana chhoD kar

jata hai barhaman kahin but-KHana chhoD kar

nibhti hai tauba KHauf shamatat se warna dil

pachta raha hai mashrab-e-rindana chhoD kar

bole wo qissa-KHwan se meri dastan par

kuchh aur zikr chheD ye afsana chhoD kar

jannat ki aarzu mein rahe kaun hashr tak

waiz ye aish-o-ishrat-e-mai-KHana chhoD kar

jaanan kahan yagana samajhta agar mujhe

begane ko gaya dil-e-begana chhoD kar

ai sail-e-ashk tu ho jahan koi ghar kahan

apna guzar kahin nahin virana chhoD kar

aae jo pesh mai-kada do-chaar mo'taqid

bhaga hai shaiKH subha-e-sad chhoD kar

diwana hun to chahe tanha na rahne do

jate ho tum kahan mujhe diwana chhoD kar

masjid mein bhi to ahl-e-riya ki kami nahin

na-haq hum aae sohbat-e-but-KHana chhoD kar