hum to ruThe the aazmane ko

ham to rūThe the āzmāne ko

koī aayā nahīñ manāne ko

jaane kyā bair hai zamāne ko

phal samajhtā hai āshiyāne ko

pārsāoñ ne ġhaur se dekhā

chalte-phirte sharāb-ḳhāne ko

sahn kī ḳhaak baam ke tinke

kuchh to de do davā banāne ko

aur kitnā buland ho jā.ūñ

terī chaukhaT pe sar jhukāne ko

kyā sitam hai ki maar kar patthar

bhuul jaatā hai vo nishāne ko

us ne par bhī mire nahīñ katre

maiñ to raazī thā phaḌphaḌāne ko

ham baḌī duur chal ke aa.e haiñ

paañv ik shaḳhs ke dabāne ko

hum to ruThe the aazmane ko

koi aaya nahin manane ko

jaane kya bair hai zamane ko

phal samajhta hai aashiyane ko

parsaon ne ghaur se dekha

chalte-phirte sharab-KHane ko

sahn ki KHak baam ke tinke

kuchh to de do dawa banane ko

aur kitna buland ho jaun

teri chaukhaT pe sar jhukane ko

kya sitam hai ki mar kar patthar

bhul jata hai wo nishane ko

us ne par bhi mere nahin katre

main to raazi tha phaDphaDane ko

hum baDi dur chal ke aae hain

panw ek shaKHs ke dabane ko