ہم ان کے سامنے اس طرح شرح غم بیاں کر لیں

ہم ان کے سامنے اس طرح شرح غم بیاں کر لیں

ہماری داستاں کو خود وہ اپنی داستاں کر لیں

الٰہی اور بھی کچھ طول کر دے روز محشر کو

کہ تیرے رو بہ رو ختم اپنے غم کی داستاں کر لیں

وہ بینائی عطا کر ہم کو یا رب دیر و کعبہ کیا

ترے جلوے کا نظارہ جہاں چاہیں وہاں کر لیں

خزاں آنے تو دو پوچھیں گے ہم ان سے مزاج ان کا

گل و غنچے چمن میں اور دو دن شوخیاں کر لیں

شب غم غم کے پالوں کو ہے حاصل کیا بجز اس کے

تڑپ لیں آہ و گریہ کر لیں فریاد و فغاں کر لیں

وہ دن آئے کہیں ذوق جبیں سائی میں اے صابرؔ

ہو ذوق ایسا کہ جس میں جذب ان کا آستاں کر لیں