hum unhen dard-e-dil sunate hain

ham unheñ dard-e-dil sunāte haiñ

vo faqat haañ meñ haañ milāte haiñ

apne va.adoñ ko bhuul jaate haiñ

bevafā vo hameñ batāte haiñ

jin ke kirdār meñ haiñ daaġh ka.ī

vo hameñ aa.ina dikhāte haiñ

saath dete nahīñ kisī kā bhī

saath sab ke nazar jo aate haiñ

jis kī fitrat ko jānte haiñ ham

us se ummīd kyuuñ lagāte haiñ

jin añdheroñ se Dar rahe ho tum

vo ujāloñ se ḳhauf khāte haiñ

in charāġhoñ kā hausla dekho

āñdhiy.oñ ko ye muñh chiḌhāte haiñ

dil meñ pal jaa.e jo ġhalat-fahmī

ḳhuuñ ke rishte bhī TuuT jaate haiñ

ham ne dekhā 'jijīvishā' aksar

nā-ḳhudā kashtiyāñ Dubāte haiñ

hum unhen dard-e-dil sunate hain

wo faqat han mein han milate hain

apne wadon ko bhul jate hain

bewafa wo hamein batate hain

jin ke kirdar mein hain dagh kai

wo hamein aaina dikhate hain

sath dete nahin kisi ka bhi

sath sab ke nazar jo aate hain

jis ki fitrat ko jaante hain hum

us se ummid kyun lagate hain

jin andheron se Dar rahe ho tum

wo ujalon se KHauf khate hain

in charaghon ka hausla dekho

aandhiyon ko ye munh chiDhate hain

dil mein pal jae jo ghalat-fahmi

KHun ke rishte bhi TuT jate hain

hum ne dekha 'jijiwisha' aksar

na-KHuda kashtiyan Dubaate hain