hum unhen yunhi aazmaenge

ham unheñ yūñhī āzmā.eñge

pyaar meñ shart kyuuñ lagā.eñge

ye parinde haiñ āshiyāne ko

par nikalte hī bhuul jā.eñge

yaad rakhnā tumhārī āñkhoñ meñ

ham bahut jald jhilmilā.eñge

kyā tumheñ tab yaqīn aa.egā

log jab uñgliyāñ uThā.eñge

darmiyāñ apne aa ga.ī jo ḳhalīj

us par ik roz pul banā.eñge

bevafā zindagī ke rishte ko

āḳhirī saañs tak nibhā.eñge

ek baazī tirī ḳhushī ke liye

tujh se dānista haar jā.eñge

daur aisā bhī ek aa.egā

zarf kam-zarf āzmā.eñge

aap ko ājizī jatā.egī

vo takabbur meñ haar jā.eñge

pyaar kī guftugū nahīñ kiije

zaḳhm so.e haiñ jaag jā.eñge

hum unhen yunhi aazmaenge

pyar mein shart kyun lagaenge

ye parinde hain aashiyane ko

par nikalte hi bhul jaenge

yaad rakhna tumhaari aankhon mein

hum bahut jald jhilmilaenge

kya tumhein tab yaqin aaega

log jab ungliyan uThaenge

darmiyan apne aa gai jo KHalij

us par ek roz pul banaenge

bewafa zindagi ke rishte ko

aaKHiri sans tak nibhaenge

ek bazi teri KHushi ke liye

tujh se danista haar jaenge

daur aisa bhi ek aaega

zarf kam-zarf aazmaenge

aap ko aajizi jataegi

wo takabbur mein haar jaenge

pyar ki guftugu nahin kije

zaKHm soe hain jag jaenge