hum us gali ka baDa ehtiram karte hain

ham us galī kā baḌā ehtirām karte haiñ

ki jo bhī miltā hai us ko salām karte haiñ

janāb-e-shaiḳh ye mai-ḳhāna aur ye vā’z-e-tavīl

huzūr kaahe ko piinā harām karte haiñ

ilāhī un kī samajh meñ bayān-e-ġham aa jaa.e

zabāñ ḳhamosh hai aañsū kalām karte haiñ

ḳhudā hī jaane ab ādāb-e-bandagī kyā hoñ

jinheñ ki sajde haiñ lāzim kalām karte haiñ

'ajīb hotā hai mahfil meñ un kā rū-e-suḳhan

har ik samajhtā hai mujh se kalām karte haiñ

'qamar' hilāl samajh kar jo dekhte haiñ mujhe

gale to mil nahīñ sakte salām karte haiñ

hum us gali ka baDa ehtiram karte hain

ki jo bhi milta hai us ko salam karte hain

janab-e-shaiKH ye mai-KHana aur ye wa’z-e-tawil

huzur kahe ko pina haram karte hain

ilahi un ki samajh mein bayan-e-gham aa jae

zaban KHamosh hai aansu kalam karte hain

KHuda hi jaane ab aadab-e-bandagi kya hon

jinhen ki sajde hain lazim kalam karte hain

'ajib hota hai mahfil mein un ka ru-e-suKHan

har ek samajhta hai mujh se kalam karte hain

'qamar' hilal samajh kar jo dekhte hain mujhe

gale to mil nahin sakte salam karte hain