ہم اس گلی کا بڑا احترام کرتے ہیں

ہم اس گلی کا بڑا احترام کرتے ہیں

کہ جو بھی ملتا ہے اس کو سلام کرتے ہیں

جناب شیخ یہ مے خانہ اور یہ وعظ طویل

حضور کاہے کو پینا حرام کرتے ہیں

الہی ان کی سمجھ میں بیان غم آ جائے

زباں خموش ہے آنسو کلام کرتے ہیں

خدا ہی جانے اب آداب بندگی کیا ہوں

جنہیں کہ سجدے ہیں لازم کلام کرتے ہیں

عجیب ہوتا ہے محفل میں ان کا روئے سخن

ہر اک سمجھتا ہے مجھ سے کلام کرتے ہیں

قمرؔ ہلال سمجھ کر جو دیکھتے ہیں مجھے

گلے تو مل نہیں سکتے سلام کرتے ہیں