hum yun hi kisi se KHalish-e-jaan nahin kahte

ham yuuñ hī kisī se ḳhalish-e-jāñ nahīñ kahte

rūdād-e-alam tā-had-e-imkāñ nahīñ kahte

jo apne farā.ez se nipaTne meñ ulajh jaa.e

ham log use zulf-e-pareshāñ nahīñ kahte

karte hī nahīñ baat kabhī maslahat-āmez

makrūh ruḳhoñ ko mah-e-tābāñ nahīñ kahte

ab aise baḌe log zamāne meñ kahāñ haiñ

jo kar ke kisī par koī ehsāñ nahīñ kahte

jo shaam ho anvār-e-shahādat se munavvar

us shaam ko ham shām-e-ġharībāñ nahīñ kahte

tanqīd meñ karte haiñ jo insāf se parhez

dar-asl 'qadīr' un ko suḳhan-dāñ nahīñ kahte

hum yun hi kisi se KHalish-e-jaan nahin kahte

rudad-e-alam ta-had-e-imkan nahin kahte

jo apne faraez se nipaTne mein ulajh jae

hum log use zulf-e-pareshan nahin kahte

karte hi nahin baat kabhi maslahat-amez

makruh ruKHon ko mah-e-taban nahin kahte

ab aise baDe log zamane mein kahan hain

jo kar ke kisi par koi ehsan nahin kahte

jo sham ho anwar-e-shahadat se munawwar

us sham ko hum sham-e-ghariban nahin kahte

tanqid mein karte hain jo insaf se parhez

dar-asl 'qadir' un ko suKHan-dan nahin kahte