ham-zamiron se jo bhaTkae wo eazaz na de
ham-zamīroñ se jo bhaTkā.e vo e.azāz na de
shauq se tū mujhe ab quvvat-e-pardāz na de
dā.ere TuuT na jaa.eñ mire ḳhvāboñ ke kahīñ
so gayā huuñ mujhe ab koī bhī āvāz na de
tujh ko denā hai agar talḳhi-e-anjām kā zahr
dene vaale mujhe ḳhush-fahmī-e-āġhaz na de
rāz-dāroñ kā kahā maan ke ye haal huā
mashvara koī mujhe ab mirā hamrāz na de
yā fazāoñ ko muhīt-e-mah-o-ḳhurshīd na kar
yā mirī fikr ko tū jur.at-e-parvāz na de
yā zamāne ko tū mahrūm-e-samā.at kar de
yā mujhe dard meñ Duubī huī āvāz na de
ham-zamiron se jo bhaTkae wo eazaz na de
shauq se tu mujhe ab quwwat-e-pardaz na de
daere TuT na jaen mere KHwabon ke kahin
so gaya hun mujhe ab koi bhi aawaz na de
tujh ko dena hai agar talKHi-e-anjam ka zahr
dene wale mujhe KHush-fahmi-e-aghaz na de
raaz-daron ka kaha man ke ye haal hua
mashwara koi mujhe ab mera hamraaz na de
ya fazaon ko muhit-e-mah-o-KHurshid na kar
ya meri fikr ko tu jurat-e-parwaz na de
ya zamane ko tu mahrum-e-samaat kar de
ya mujhe dard mein Dubi hui aawaz na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
