hum zindagi ko yun hi guzare chale gae

ham zindagī ko yuuñ hī guzāre chale ga.e

nākāmiyoñ meñ dost bhī saare chale ga.e

tanhā.iyāñ safar meñ musalsal banī rahīñ

phir bhī tumhārā naam pukāre chale ga.e

be-shak hamāre kaam kī qīmat nahīñ milī

bas āsmāñ zamīñ pe utāre chale ga.e

tum qāfiya radīf ke mā'nī bane rahe

ham kāġhazoñ pe dard ubhāre chale ga.e

ham vo nahīñ faqīr jo ḳhairāt māñgte

qismat kī baat vaqt ke maare chale ga.e

āñgan kā peḌ ghar kī taraqqī meñ kaT gayā

pakshī nahīñ 'abhay' to sahāre chale ga.e

hum zindagi ko yun hi guzare chale gae

nakaamiyon mein dost bhi sare chale gae

tanhaiyan safar mein musalsal bani rahin

phir bhi tumhaara nam pukare chale gae

be-shak hamare kaam ki qimat nahin mili

bas aasman zamin pe utare chale gae

tum qafiya radif ke ma'ni bane rahe

hum kaghazon pe dard ubhaare chale gae

hum wo nahin faqir jo KHairaat mangte

qismat ki baat waqt ke mare chale gae

aangan ka peD ghar ki taraqqi mein kaT gaya

pakshi nahin 'abhay' to sahaare chale gae